صحافیوں کے لئے بڑی خوشخبری آگئی،جرنلسٹ سپورٹ فنڈز دگنا

لاہور : صحافیوں کے لئے بڑی خوشخبری آگئی ، جرنلسٹ سپورٹ فنڈز کی رقم 5 کروڑ سے بڑھا کر 10 کروڑ کردی گئی۔

تفصیلات کے مطابق وزیراطلاعات پنجاب عظمیٰ بخاری کی زیرصدارت جرنلسٹ سپورٹ فنڈز کا اجلاس ہوا ، جس میں بتایا کہ مریم نواز نے جرنلسٹ انڈونمنٹ فنڈز کی رقم ڈبل کردی ہے۔

عظمیٰ بخاری کا کہنا تھا کہ جرنلسٹ سپورٹ فنڈز کی رقم 5 کروڑ سے بڑھا کر 10 کروڑ کردی، اس کے ساتھ صحافیوں کیلئے جلد ہمت کارڈ اور ہیلتھ کارڈ کا پراسس مکمل کیا جائے گا۔

صوبائی وزیر نے کہا کہ پنجاب کے 85 صحافیوں کے لیے سپورٹ فنڈز کے اجرا کی منظوری دے دی ہے جبکہ 23 صحافیوں کی بیٹیوں کی شادی ،63 کے علاج معالجے کیلئے فنڈز کے اجرا کی منظوری دی۔

ان کا کہنا تھا کہ مریم نواز صحافیوں کے حقوق کے تحفظ کے لئے کوشاں ہیں ، صحافی برادری کے مسائل کا حل پنجاب حکومت کی ترجیحات میں سرفہرست ہے۔

About The Author

Muhammad Soomro

See author's posts