پی آئی اے کی پرواز میں سگریٹ نوشی سے منع کرنے پر مسافر آپے سے باہر، فضائی میزبان پر تشدد

پاکستان انٹرنیشنل ایئر لائن (پی آئی اے) کی پرواز میں ایک مسافر سگریٹ نوشی سے منع کرنے پر آپے سے باہر ہوگیا اور فضائی میزبان پر تشدد کیا۔
میڈیاکے مطابق یہ واقعہ اسلام آباد سے پیرس جانے والی پی آئی اے کی پرواز میں پیش آیا۔ سفیر نامی ایک مسافر دوران پرواز سگریٹ نوشی کر رہا تھا۔

فضائی میزبان نے اس کو منع کیا تو وہ آپے سے باہر ہو گیا اور فضائی میزبان پر تشدد شروع کر دیا۔ اس کو بچانے کی کوشش پر مذکورہ مسافر نے فلائٹ اسٹیورڈ سے بھی ہاتھا پائی کی۔

واقعہ کے بعد پیرس ایئرپورٹ پر لینڈنگ سے قبل کپتان نے ایئر ٹریفک کنٹرولر سے رابطہ کر کے سیکیورٹی طلب کی اور طیارے کے لینڈ کرتےہوئے سیکیورٹی اہلکاروں نے جہاز میں پہنچ کر ملزم مسافر کو گرفتار کر لیا۔

سیکیورٹی فورس نے تشدد کا شکار فضائی میزبان کا بیان بھی ریکارڈ کر لیا جب کہ ترجمان پی آئی اے نے واقعہ کی تصدیق کی ہے۔

About The Author

Muhammad Soomro

See author's posts