آئی ایم ایف کی رضامندی پرکیا تنخواہ دار طبقے کو ریلیف مل سکے گا؟

اسلام آباد: آئی ایم ایف اور پاکستان کے درمیان مذاکرات کا آغاز کل سے ہوگا۔

ذرائع کا کہنا ہے کہ آئی ایم ایف اور پاکستان کے درمیان مذاکرات موجودہ 7 ارب ڈالر قرض پروگرام کے جائزے پر ہوں گے، اور مذاکرات کی کامیابی پر پاکستان کو ایک ارب ڈالر کی قسط ملے گی۔

آئی ایم ایف کے ساتھ اقتصادی جائزہ مذاکرات 15 مارچ تک جاری رہیں گے، پہلے مرحلے میں تکنیکی اور دوسرے مرحلے میں پالیسی سطح پر الگ الگ مذاکرات ہوں گے، آئی ایم ایف وفد مالی سال 2025-26 کے لیے بجٹ تجاویز بھی دے گا۔

آئی ایم ایف کی رضامندی پر تنخواہ دار طبقے کو ریلیف مل سکے گا، مذاکرات وزارت خزانہ، وزارت توانائی، اسٹیٹ بینک، ایف بی آر، اوگرا، نیپرا سمیت دیگر اداروں اور وزارتوں کے ساتھ ہوں گے۔

About The Author

Muhammad Soomro

See author's posts