عمرہ کے سفر سے 10 روز قبل گردن توڑ بخار کی ویکسین لگوانا ضروری ہے،سعودی وزارت صحت

سعودی وزارت صحت نے ’صحت مند زندگی‘ کے عنوان سے مہم کا آغاز کر دیا۔

سعودی وزارت صحت نے کہا ہے کہ عمرہ زائرین حفاظتی ٹیکے لگوا کر آئیں تاکہ وبائی امراض سے محفوظ رہیں، عمرہ کے سفر سے 10 روز قبل گردن توڑ بخار کی ویکسین لگوانا ضروری ہے۔

وزارت صحت نے کہا کہ اس ویکسینیشن سے وبائی مرض سے محفوظ رہنے میں کافی مدد ملتی ہے۔

سعودی وزارت صحت نے موسمی بخار اور انفلوئنزا سے بچاؤ کی بھی ویکسینیشن پر زور دیا ہے۔

سعودی وزارت صحت نے کہا کہ معمر اور مریض افراد عمرہ روانگی سے 2 ہفتے قبل ویکسینیشن ضرور کروائیں، تاکہ صحت مند رہ کر عمرہ آسانی اور یکسوئی سے کر سکیں۔

About The Author

Muhammad Soomro

See author's posts